今日好得人驚，６：００ａ．ｍ起身,先記得成本英文作業要做,於是由6:30抄到班主任堂~登!登!做晒!點知~小腹痛到想喊...未試過咁痛!!又唔係姨媽,但又無食野~痛左一陣之後...又無事。PE堂,MISS逼我O地一定參加水..陸運,我參加左三項,但水運就...唔好啦...身材咁差,唔好嚇親人=.=

LUNCH果陣,去m記食..因為有discount,跟住見到大雞同個女朋友,佢o地坐我o地隔離,佢竟然同我講好耐無見...-0-但我日日都見到佢,佢見唔到我咋嗎..我o地六條講野大聲過自由行,大雞同條女一句聲都冇,兩個人食一個餐,氣氛好怪!搭小巴果陣..叉欣竟然因為無位坐'特別座位'佢o地係咁笑,但我竟然一d都笑唔出,我都唔知點解。返到school,我諗住去六樓見佢,點知佢唔係度~好失望,呢幾日佢好似人間蒸發..希望你唔係因為唔想見到我啦!之後見CLASS E D人好HARD WORKING,我覺得好慚愧..><..

之後T&T堂,俾小孫孫笑到我死,佢成堂講左好多想當年,之後佢話自己唔鍾意搭船,但鍾意海..跟住前面果位話佢鍾意地中海,之後又有人搭嘴,話:咁孫SIR咪好鍾意自己個頭,果個MOMENT,我笑到眼水都彪出來。孫SIR堂勁多笑話,幾個人訓覺,佢鬧都冇人當係野...之後SCOUNT,方包俾人激,但佢發嬲個樣...都好女人=.=件事好似好嚴重,因為佢係MSN話俾人激到喊,仲要同人絶交...跟住ICQ同肥權傾傾下..佢竟然問我...之後同POON同我去DISNEYLAND..我諗起個畫面都笑死!我無應承...只好話果時先算。

哎~今日食完DINNER,我都喊,諗起同佢D野,喊左好耐,眼水自己係咁滴...曾經佢用老鼠愛大米來形容我O地,或者我會放棄..或者我係度等機會...原來喜歡一個人真係心如刀割,我唔敢話愛,因為我付唔起!

今日真係訓左好多粒鐘..昨日放學到今朝..成20粒鐘,可能食左d有睡眠成分既藥,依家都有d眼訓

本來約左家姐食lunch,所以起身時唔敢食野...淨係食左d加樂氏麥片∼哇！難食到呀!餓到屎都唔食佢~之後同何太剪d T&T既工作paper.跟住睇左一d野,無端端眼淚係咁流,愈諗愈傷心...結果一把眼淚一把鼻涕喊左好耐。我諗諗下都唔明點解咁hurt,之後係度祈禱,個心舒暢唔少~

到左2點半左右條友放我飛機=.=一個人就去影印...點知要三百幾,但何太話二百有找,我驚俾佢鬧...算啦~我都係印左佢...因為果間已經最平~之後去圖書館還書,行左一陣,同d呀嬸爭左幾本書...餓到暈暈o地。去?菮猁G陣,有個媽媽同BB換尿片,我仲見到佢D大大~好嘔心..個BB仲用好天真+水汪汪既大眼望住我...之後去左食mcdonald,一個人一邊睇豬~因為懶得?囿薽峊齏

雖然中四,但我一d都唔開心,可能佢走左,個心一直好唔舒服,就好多斷線既風箏,好無安全感,無目標咁周圍飛~雖然自由左,但心中硬是欠左一d野..空洞洞。今年真係想讀好d書,唔想玩玩下過日子,我亦無d咁既本錢去玩...個個人都想我入大學或者對我好大期望,有時我想甘於平凡,但有時又覺待好唔抵,可能就係呢種態度,令我失去左佢...更可笑既係,我都未曾擁有過。

開學第一日，好無聊。今朝８：００返到學校，點知雨天操場極多人，搵唔到bobo同panda佢地,一個人岸居居去?菮畛袓?,跟著就撞到叉欣...

集隊果陣,見到佢...剪左個軍頭,佢望住我,個心跳漏一拍,但我扮晒見唔到佢...我都唔知點解會咁~以為集會好耐...原本只係介紹d新老師,李sir返左來,唔錯,佢幾好人~跟住秋玲姐來到左睇右睇,原來check我o地d髮飾,小春同朱古力中招~之後唔小心見到郭郭雞笑...笑得好淫個樣•

返到課室,派左好多野...仲俾多好多單叫我o地交蚊...悶到癡線!仲搵左班長,我有份推人入火坑,哈哈...the怪中左~之後聴左個悶到癡線既hall集會,同5件怪獸走人,去吃lunch~全程我好少講野,因為聽唔到。

係巴士時，見到佢同佢班FRIEND...我即刻低頭走上上層,我諗佢應該見唔到我。我忐忑不安咁落車,原本佢已經一早落左...返到HOME,MAMA話我耳裏面腫左,於是佢帶我去醫院...仲唔記得帶身分證俾MAMA罵...

醫院個護士態度好惡劣,E+咁既服務態度,唉~D差人仲溫柔過佢。等左好耐,途中來左好多白車,最深印象係來左個暈左既伯伯,情況好嚴重,之後我聽到個伯伯已經死左,佢D家人眼紅左,差人叔叔教佢O地點安排身後事,我見個男人眼眶紅晒,最近都喊左,之後又有個女人喊到收唔到聲,搞到我眼都紅埋,喊左出來...果刻心情好沉重,諗左好多野...我諗如果我死左,唔知有幾多個人會為我喊呢?

睇完醫生,佢叫我再去睇專科...去到本來要預約,但個NURSE俾我即日睇,等左一陣...MAMA同我去?姻?,我見個DOCTOR,佢照我耳仔,話中耳積水..會退WO~醫生用一個音叉放我頭上,佢話兩隻耳聽唔聽到,我話只有左耳,點知佢話咁你正常,=..=果一刻,我覺得家下D醫生原來咁有幽默感..

今日可能係我暑假最精彩既一日。好多第一次發生左第一次同成班男仔得我一個女仔既情況下去街．第一次由男仔請我食dinner.第一次食迴轉壽司自助餐.第一次明正言順見人厄人,被厄果個仲...好樂意....

今'朝'竟然自己一早彈醒..可能約左呀蛇同baba啦.搞左成朝1:30返到學校..點知..baba遲到..當聽緊mp3...黃秋玲出現~my god!我即時拉低果head風,好睬佢見唔到咋!跟住呀蛇竟然已經走左=.=

baba就同我去左scout咩會...搭車中途,呀蛇竟然打ba電話:miss fung返左啦,你依家可以返來學校-0-結果我只好聽日再返去。到灣仔,同baba去mtr?奕?...佢行到好似Fly咁...我只好跑步跟住佢,真係一d都唔誇!之後baba送左個巾圈俾我,好令令。行行下,成身汗,baba就買雪梨汁...幾好飮!之後佢話肚餓,去左食麵,但我無食。傾計其間,條友話我個look好睇左好多,因為我之前個頭似冬菇

去到區會,baba同我交左form仲同我俾埋蚊,搞到我好唔好意思,我俾番佢..但佢唔要。於是我就同佢補衫同補章...由於支針太粗,吉唔落..我太大力..支針斷左~之後同baba去街市買針,發現..佢好鍾意衝紅燈..之後返到去區會,又補衫同補章...但一路睇多啦A夢同的'色'妹..跟住呀狗,我同佢講生日快樂同快高長大,佢o地話我串佢無辜啦!佢o地係樹玩卡,baba叫我?咫@張送我,我都無要..之後先知發現d卡一張成$80=.=好彩我冇要!。

過左N個小時之後,天都黑左...去左個商場等小畢~之後又去等'水魚'之後baba同條水魚交易(過程太黑暗)水魚上得好happy~呀狗稱baba既招數叫SBS,baba話SBS係super business skill~狗話係stupid bull shit...兩位好童真。之後佢o地去'傾數',我同小畢去搵位,但我o地搵唔到間店,兩個傻更更咁行左幾圈..我一直懷疑點解佢唔打電話俾ba同狗,終於佢都有...

食完壽司,我飽到嘔,胃好痛仲好唔妥~