今日我終於同佢見左面，佢一見到我既時候，眼神好閃躲，一定係好失望，點解我唔係靚女，我一早話左比佢聽，我唔係靚女，但佢唔信，咁我咪比佢睇下囉，好讓佢死了心．．．

　　其實我打算見完佢就走，但我個ｆｄ話想同佢行街．．．我之前介紹過我個ｆｄ比佢識，明顯地，佢對我個ｆｄ更有興趣，見到我之後，對我個ｆｄ更有興趣，咁我味硬著頭皮跟佢地行囉．．．但氣氛好差，我真係唔想再行落去，我未話我想走先囉，但我個ｆｄ話：唔好啦∼你走左，邊個陪我喎？跟住佢話：我陪你囉∼就係佢講完呢一句之後，我已經知道我留下係一個錯誤，所以我好決絕地離開，留低佢地係個度，之後佢地點，我唔知，我只我做得好岩，好決絕．．．

　　我真係唔想留係個度，我好無尊嚴，好比人地睇唔起，所以，唔該，比我保留最後少少既尊嚴，我唔想連最後呢ｄ尊嚴都無埋，就算人地唔尊重我，我都要尊重自己．．．

　　就係咁，我好瀟洒地離去，揮一揮衣袖，不帶走一點雲彩．．．