星期五六同亞曦佢哋去咗睇泳衣,
因為趕著星期日去游水嘛
到最後,我係星期六都買咗一件泳衣~~
嘩哈哈~~~係bikini呀!!!
想著好耐~~~終於都有得著啦.
之前睇極都唔啱心水~~不過始終都想買,
咁就俾亞曦同佢同事婷婷話事.
佢哋幫我揀咗一件橙色既bikini(神話色呀~~~)
試身後俾婷婷睇到...佢問我係咪有腹肌..=_=!!
我都唔知答佢有好定冇好....
但亞曦就一口答佢我係有腹肌既=_=!!
婷婷聽完又問我點樣操....=_=!!
我係專業人員,梗係唔會答佢啦...
女仔有腹肌唔好睇架嘛...學我做咩過...
成個筋肉人咁樣....咁核突....

星期日同亞曦,曦既媽咪,亞曦既細佬亞泉,仲有亞泉既女朋友
係新都城既會所泳池玩~~~
個室外泳池都ok~~係衰在樓上啲人會睇到泳池既情況囉
都唔打算去室內啦,一定爆滿既.
係泳池玩完一陣水,上水曬吓太陽~~好舒服呀~~
又唔係好曬,又有啲風~~~爽!!
但係有啲好瘦好瘦既女仔又係著bikini出嚟嗰陣...
突然間覺得...自己好肥囉...點算呀....