港女81宗罪


1.貪慕虛榮 → 一啲啲啦
2.咩都要男人比錢 → 呢個我一定唔會，人地請我食飯，我一定請返佢睇戲囉
3.口頭話唔愛港男，實際上係溝唔到 → 唔認同，我愛港男
4.話男友花心，自己又去溝仔 → 男未婚，女未嫁，都好正常啫
5.咩都要男人就哂佢 → 都要個男人肯就佢丫麻
6.成日幻想同醫生/律師一齊 → 幻想下啫，都有罪架咩？啲男人夠成日幻想自己同女明星一齊啦
7.豬扒冇人要就係到話D港男唔敢高攀佢 → 唔喜歡豬扒呢個形容詞
8.成日發姣，以為可以吸引男人 → 女人唔姣，啲男人又話佢地男人頭
9.扮可愛，行為幼稚 → 一啲啲啦
10.成日溝仔，人地唔受就扮可憐 → 唔知
11.自以為是 → 乜男人唔係咩？
12.喜歡名牌，冒牌都照買 → 名牌呢啲野，人人都鐘意架啦，只要用自己錢買，買咩都冇所謂
13.浪費金錢 → 用自己錢的話，關你咩事？
14.用英文以為自己好高級，港式英語 → 唔知，我英文好差
15.扮潮，個個髮型差唔多 → 想點啫？搞到鬼五馬六又會俾人話標其立異
16.以為自己好索 → 做人唔可以對自己有自信咩？
17.幻想周街D男人成日望佢，其實人地係對弱智人士好奇 → 有本事咪唔好望囉
18.以為昆到男人D錢好勁 → 咪昆昆聲，個男人自願架
19.要人請食飯 → 朋友會AA，男友就你請一餐，我請一餐咁囉
20.扮冇帶銀包 → 我未聽過
21.為幾十蚊係到嘈 → 咁計較？
22.喜歡落bar溝仔 → 男人都落 bar 溝女啦
23.花過多時間/金錢打扮，但又唔係靚 → 唔靚先要打扮呀嘛，我試過冇化妝俾人話：「好心你執下啲眼耳口鼻啦！」
24.咩都唔識但又要條仔咩都識 → 好正常
25.成日唔比條仔同其他女仔講野，自己經常遼其他男仔 → 同意
26.自認處女 → 唔係嘛，咁果啲十四歲的媽媽係乜野來呀？
27.經常要男人幫佢做工人，拎野 → 如果個女人一手都係野，幫下手都好正常啫
28.喜歡八卦雜誌 → 好少自己買來睇，其實好浪費金錢
29.娛樂新聞滔滔不絕，時事經濟冇樣識 → 講真啲男人咪又係咁，有時仲8過女人添
30.唔做野要條仔養 → 唔做野個人會好懶架喎
31.成日幻想嫁個有錢人 → 唉，幻想下都唔得
32.串人但又串唔起 → 冇技巧啫
33.話條仔叫雞，自己又玩一夜情 → 叫雞既男人唔要得
34.以為自己好多人溝 → 咁真係有好多人溝喎
35.經常買衫，事後要男人找數 → 冇喎
36.自己病左要24小時服侍，條仔病又唔理 → 冇喎，多數我媽媽照顧我
37.生日要人送鑽戒 → 冇喎，我都想
38.成日買化妝品，出親街化濃妝 → 唔化妝就會俾人話豬扒架啦
39.在網上跟其他港女分享溝仔心得，但90%係老作 → 未睇過，邊個網呀？
40.十幾廿歲成日飛人，30歲之後又恨嫁 → 嫁ed
41.幾十歲仲鍾意HelloKitty但又批評喜歡日本動漫的香港男性為"毒男" → 每個人都有自己鐘意既野既
42.經常打人，男人還手就話蝦女仔 → 冇喎
43.唔買貴野就話冇誠意 → 冇喎
44.喜歡閱讀愛情小說，幻想自己是女主角 → 同意
45.次次都係行商場，冇D新意 → Well，我隻佬做時裝既，都鐘意睇衫架喎
46.對自己有利就話男女平等，唔係就係到講風度 → 同意，不過都係俾男人寵壞咗
47.喜歡話男人樣衰但自己又唔照鏡 → 間唔中:P
48.同一件衫著一兩次就唔要 → Fashion 嘛
49.成日上交友網溝仔 → 識多個朋友啫
50.成日講是講非 → 都系，同男人都可以講一餐架喎
51.成堆八婆講八卦野，唔比條仔插嘴 → 唔係喎，好多男人都講埋一份
52.唔比男友睇靚女，自己迷戀男明星 → 我隻佬唔會
53.貪錢 → 一啲啲啦
54.為左錢可以放棄一切 → 例如？
55.有錢果時千依百順，冇錢即刻飛 → 未試過
56.全身上下起碼幾千(包括衫，鞋，飾物) → 不是罪
57.以為自己大哂，成日發老脾 → am.......
58.要條仔愛佢一生一世但往往係佢自己飛人 → 唔啱 Feel 唔通夾硬一齊？
59.飛左條仔後又搵番個男仔話自己寂寞，冇人理 → 都好正常啫
60.分手後將個男仔D資料(名、電話、地址) 四圍公開 → 未試過
61.佢自己做既野永遠係岩，有咩都係條仔錯 → 係女人都係咁架喎
62.咩事都以分手作要脅 → 我以前會，但而家長大咗，唔會再講呢啲野
63.同個男人一齊第一件事係幫佢「保管」存摺 → 一向財政獨立
64.成日屈男仔 → 屈咩？
65.外表斯文，內裡open → 只係對自己男人 open 啫，咁都有錯？
66.冇見識，睇唔起大陸人，覺得大陸人都係雞 → 冇喎，大陸人都係人
67.識男仔第一樣睇樣，第二樣睇錢 → 咁都要合眼緣架喎
68.明明唔睇書但又要扮有學識 → 好多人都係咁架啦
69.迷信星座 → 睇下啫
70.冇時間一日唔打電話比佢就以為條仔有外遇 → 哈哈，會咁架咩？
71.對男友諸多要求又唔比反駁 → 霸道
72.頭腦簡單 → 做人簡簡單單唔好咩？
73.人地話咩都信，毫無判斷力 → 同意
74.過份崇尚西方國家，唔係外國野唔買 → 但大陸野真係信唔過喎
75.電腦白痴，除左上網咩都唔識，256同512都未必識分 → 我地唔蠢，又點顯得啲男人叻？
76.經常用自以為感性的字句 → 咩來架？
77.用自己男友跟別人比較 → 唔...間唔中
78.衡量一個人永遠係用錢 → 我身邊好少呢啲朋友，even 自己都唔會咁
79.盲目跟隨潮流 → 盲成點？
80.網上分享和男友既野，冇D私隱 → ......
81.食飽飯冇野做上she.com批評香港男人 → 咁啲男人咪又係食飽飯冇野做上she.com寫呢篇港女81宗罪去批評女人！？