好樣衰呀~第一次比人叫落台,唉,跟咁多次手術今次最失敗....仲要係因為頭暈比人叫落台...唉~太唔爭氣喇~決議開始調理下身體...不過今日隔離室都有個護士暈左...做完之後高醫生都有d暈...今日個手術室做咩呀?個個都暈,應該係唔夠氧?我成日都打呵欠...可能係...跟本就唔關我事既~(安慰自己)

回想係普外一個月,闌尾做過,腫物切除做過,上台都會有得打結,縫針...動手機會都幾多,真係好~今日任醫生攸左3個深靜脈穿刺,聽聞實習生可以做~希望下次有機會啦~仲有個疝手術...呢2個操作係我係普外既目標~一定要做到,如果唔係走得唔安樂~

係普外實習左一個月,由11樓揸fit人變左實習生阿總~好搞笑囉~
ps:揸fit人係因為我個時一個人管11樓18個病人而被命名,阿總就因為晚晚都可以係11樓見到我比人咁叫~哈哈~~

好唔想離開普外,真係希望我之後既時間都係普外過~

尋日冇新收,太好喇~寫埋晒d病記...打下機就瞓,今日一早起身查房,冇咩得別,8點半就走得

今日又係好好天~本來想去食甜甜圈~點知m到..><都係係屋企瞓下穩陣d...

近排黎左個台灣既暨大生,分左去我個組,竟然連一句廣東話都唔識聽...究竟佢點係暨大生活既呢?唉...做野又...唉...連拎鑷子都唔識,都唔知係咪讀醫架,剪條線可以剪幾下先斷...唉,好驚佢剪親病人囉~
寫病記..我都出名寫得短架啦,術後第一天夠膽一行多d就完,好野...
不予置評喇~唔好同人講佢係暨大架...

今個星期d病人少左好多,由18個-->8個,得閒左~星期3又出左去食pizza喇~正~~

但係係咁食,都瘦左2kg,點算好呢~

今日終於有得落夜喇~12點幾就走得~太好喇...雖然夜晚要返去搞埋d手尾...

今日高醫又請食飯喇~kfc...4個人,一共食左成百五蚊...好唔好意思tim...跟全高醫好開心,好多病人啦~(雖然有時忙到想死,ot到9點幾都試過,但係學到好多野)有多動手機會喎(尋晚氣闌尾除左重點個幾步之外都機本上係實習生做晒)佢又好人喎~跟住佢又多野食喎(值班布宵夜,今日仲請食飯),好幸福呀~~>w<

唔怪得之有人妒忌我啦~話我係11樓揸fit人...揸fit人,你估易做架??哼
不過有人妒忌都係件好事黎既~

今日又黎個急診闌尾炎...本來腹腔鏡,但係後來比高醫游說到開腹~

太好喇~今日上午個台腹腔鏡,得個睇字...同埋剪左2下線~唉

今日得高醫帶住2個實習生做手術,上之前叫我地睇書,睇d切口之類,上之前又教我地點消毒...不過今次高醫親先消~下次到我地喎~上之前佢仲問個切口點切,我地都話睇唔明書,高醫解說完之後上到去真係比我切囉~好緊張呀~~上到去切完之後仲有好多機會動手~太好喇~縫啦~打結啦~剪啦~等等~總之比平時多好多機會啦~真係好鐘意急診手術~好鐘意高醫~好鐘意外科~~

做完仲有糖水食tim~~呵呵