心情糟透

咁大個女都未試過... 左腳小腿抽筋... 搞到瞓瞓o下紮醒o左...
右耳後面仲生o左粒瘡添... 好痛呀...

朝早約o左kevin poon去MSC... o係中環中心...
o個度中環/上環地鐵站都唔近, 我通常就o係中環出...
但今次佢約o左我o係上環地鐵站等...
佢已經講明o係E出口等, 但我o係月台時冇留意, 諗住通常都去到大堂先搵出口架嘛...
就貪近出左A至D o個邊, 之後先發現唔通E出口...
搞到唔知點好, 結果都係嘟返入去出返E算...
咁樣搞到遲到, 好難受...

之前話同個客講遲d黎就算, 點知上到去個客一問, 佢就同個客講係我遲到要等我...
冇諗過佢會突然咁樣講... 有少少被出賣o既感覺...
但呢個係事實, 自己唔o岩在先, 佢幫我係人情, 唔幫係道理, 我又冇特別怪佢o既...
點知佢後尾好過意唔去, 係都要請我食lunch... 搞笑~
期間佢仲show左隻石頭咁硬o既手腕俾我睇, 話係因為玩手球喎~
真係硬到阿媽都唔認得架喎~ 真係刀都插唔入呀~ haha~

下晝佢要去第二個客度, 搞到我一個人留o係度既係PO又係P仔...
最唔鍾意呢種感覺...

夜晚約o左同事們睇黃子華...
幾辛苦爭取到18:20準備收工, 交代完d野就走得...
臨走斟杯水飲, 再出去lift口...
呢個時候, 個HR竟然o係另一邊追出黎, 話print pay slip有問題, 叫返我入去check...
好彩個IT經已走左, 冇人login俾我, 我先順利走人, 但已經18:40了... shit~

行到去中環地鐵站, 個閘口有成個週末銅鑼灣咁多人囉~
幾辛苦先等到嘟入去~~~
然後三條自動電梯上面都係"X"~~~~~
想點呢~~~~~~~?
咁累仲要行, 但前面o個兩個人又行得勁慢塞住哂...
吼~~~~~~~~~~~
搞到我見到班同事時仲係x口x面..... 俾大佬kit話我遲到仲咁o既樣.....

都未完...
之前都知必姐個space整o左我張玩野相上去, 好q醜樣架~
本來諗住冇乜人睇到, 都算啦...
點知舊同事雲先生無端端send條link黎問我呢個係咪我...
exactly係必姐個space~
吼~~~ 咩事呀~~~
後尾問返...
原來必姐同雲先生係打機識o既...
而更甚o既係, 必姐竟然話佢個space係冇set right的~
咁即係原來阿豬阿狗都可以睇到我張相~
簡直一千個難過~~~
我唔鍾意呢種任人睇o既感覺~
亦唔鍾意對我黎講應該唔相關o既兩個群組入面, 出現我呢個聯繫...
總之就唔鍾意...
所以點解我叫大家唔好隨便fwd我個blog條link俾人...
亦都唔想開facebook account囉....

心情真係奇差...

我放棄啦... 疑心太重好辛苦, 唔知幾時先可以放開呢...

0 留言 »