唔見哩度仲有冇人睇架呢,我諗都冇lu~
不過唔緊要,我都仲會keep住哩個日記既~
因為哩個日記都陪左我成年幾,仲要係好開心既時間~

最近心情一般,冇咩特別野咁囉~不過返工既時間真係佔左好多~
放左工都唔會仲有心情去做其他事,返屋企抖下仲好啦~
啱啱返工都唔係咁既,好似開始對好多既都未咩興趣~

如果我地一個月出黎見一次,咁一年先見得12次。

如果係見面既時間得4個鐘,咁見既時間係48小時。

如果用黎傾計既時間只有1個鐘,咁只係傾得12小時。

1年見得2日,傾得半日。有時唔係好明點維繫感情的。

哩兩日凍左好多呀,個鼻又好唔舒服呀...
做完鐘錶展,返office做野了。好多野做。
5日黎既野再加埋d新野...總之就係好忙!!

一返到公司就係咁做野,就做到收工。
好彩都仲可以準時走,但係d同事都要加班。
有時走果時都唔好意思走...但係我又幫唔到佢地。

算啦,都唔到我去做果d野做架啦。做好自己先啦。

一連五日既鐘錶展終於都做完了,好累呀!
仲要星期六日都要返工呀,冇得放假。聽日又要返工。

係哩次鐘錶展見既全部都係外國人,講既都係英文。
好彩自己既英文都唔係好差,都叫同人地講到野。
只係一d錶既價錢上真係唔識點講比人聽呀。

又練到英文,又學到好多野。真係辛苦d都低。
今晚仲去左酒店食自助餐,食到勁飽呀!
而家已經好眼訓喇,聽日可以返公司架。